Vdes i riu që u vizitua në spital nga Mc Kresha

I riu nga Kosova, Veton Kryeziu ka ndërruar jetë pas 17 dite në gjendje kome në Qendrën Klinike Universitare të Kosovës.
Siç raportohet i riu kishte rënë në komë pas kontaktit me rrjetin elektrik. Veton Kryeziu gjatë kohës sa ishte në gjendje kome është vizituar nga reperi Mc Kresha. Një familjar i Vetonit tregoi se ai është rritur me muzikën dhe aktivitetet e reperit, prandaj kishin menduar ta ftojnë Kreshnikun i cili mund të ndikonte për daljen nga koma. Ai arriti të reagojë duke e ndjerë këngëtarin por fatkeqësisht pas 17 dite në gjendje kome Vetoni ndërroi jetë më 19 prill. / Gazeta Express