Sot ka ndërruar jetë ish kryeministri i Kosovës, Bajram Rexhepi. Burimet e “Indeksonline” kanë konfirmuar se Rexhepi ka vdekur sot në orët e para të mëngjesit.
Rexhepi prej muajsh ndodhej në koma dhe ishte duke qëndruar në një spital në Turqi pas sulmeve të pësuara në tru. Ai fillimisht ishte shtruar në Qendrën Klinike Universitare të Kosovës ku edhe i është nënshtruar operacionit mirëpo për shkak të gjendjes së rëndë ishte transferuar në Turqi. Mësohet se ai do të varroset me ceremoni shtetërore dhe për këtë sot do të diskutojë Qeveria e Kosovës, e cila do të mbajë një mbledhje të jashtëzakonshme.
Vajza e tij Vanesa Rexhepi i ka kushtuar shkurt disa fjalë të ndjera babait të saj në rrjetet sociale, ku shkruan: Të kam në zemër gjithmonë. Faleminderit për ccdo sekondë ma të bukurin në botë. Të dua vetëm ty!
