Ajo është një nga velinat më të famshme në Itali e ndonëse nuk e ushtron më këtë profesion askush nuk e harron. Dyshja Maddalena Corvaglia dhe mikesha e saj Elisabeta Canalis janë sigurisht vajzat më të suksesshme që kanë pasur detyrën e kërcimtareve në historinë e programit investigativ “Striscia la notizia”. Teksa Canalis ka një jetë të lumtur familjare, gjërat për bionden nuk po shkojnë dhe aq mirë. Ajo është ndarë nga bashkëshorti. Corvaglia ka njoftuar vetë për ndarjen nga kitaristi amerikan Stef Burns përmes një deklarate publike. “Martesat nuk përfundojnë kur mbaron dashuria siç e mendoja unë, por kur nuk kuptohesh më dhe nuk e njeh më tjetrin. (Kur je me një njeri dhe ndihesh më i vetmuar se sa kur je vetëm). Kam kaluar 6 vite martesë me një njeri fanstastik, Stef, që do të jetë gjithnjë një pjesë e rëndësishme në jetën time. E thotë vetë fjala “e rëndësishme”: do të jetë përherë në zemrën time. Bashkë kemi krijuar gëzimin më të madh të universit, vajzën tonë Jamie dhe jemi me fat për këtë. Por tani po kthejmë faqe dhe unë e Jamie jemi gati, dorë për dore, të përshkojmë këtë rrugë të mrekullueshme bashkë (edhe bashkë me ju pakëz). Me shumë dashuri Maddy”, ka shkruar sot ajo./ revistawho.com
