Duket se Albani nuk është i vetmi talent në familjen e tij. I vëllai Taulanti gjithashtu ka një dell artistik të cilin së fundmi e shfaqi për herë të parë publikisht. Ai shkroi tekstin e baladës së publikuar rishtaz nga këngëtarja Soni Malaj “Përgjithmonë”. Krenar për të vëllain, kantautori i famshëm shqiptar, shpërndau këngën e koleges Malaj në Instagramin e tij shoqëruar me këto fjalë: “Urime e dashur Soni Malaj. Pafund urime edhe Taulant Skënderaj, vëllait tim të dashur që debuton për herë të parë si tekstshkrues me këtë baladë të bukur. Krenar per ty”. Me të tjera fjalë dashurie i është përgjigjur edhe i vëllai, i cili tregon se Albani e ka mbështetur gjithnjë. “Soni Malaj shumë urime për këtë baladë kaq të bukur, që më bëri për vete sapo e dëgjova dhe për të cilën jam shumë i lumtur që kam pasur mundësinë të jap kontributin tim. Alban Skënderaj faleminderit ty që ke pas gjithmonë besim tek kjo dhunti e imja artistike. Faleminderit edhe për leksionet që më ke dhënë ndër vite. Jam i sigurt që ky fillim i ri për mua do të bëjë të mundur që ta kemi edhe më shumë përkrahjen e njëri-tjetrit”, ka shkruar Taulanti./ revistawho.com
