Aplikacioni i famshëm i mesazheve të shpejta e tashmë edhe i thirrjeve përmes internetit do të zhduket sivjet nga disa lloje celularësh. Whatsapp mbushi 7 vjet nga krijimi i tij dhe numëron rreth një miliardë përdorues në të gjithë botën. Me rastin e 7-vjetorit kompania ka shpërndarë një deklaratë ku njofton për një vendim të ri. “Kur e nisëm në vitit 2009, mënyra e përdorimit të pajisjeve elektronike nga njerëzit ishte shumë më ndryshe nga sot”, thuhet në njoftim ku ndër të tjera sqarohet se asokohe 70% e smartfonëve kishin sisteme operative nga BlackBerry e Nokia. Ndërsa sot sistemet e Google, Apple e Microsoft mbulojnë 99.5% të tregut. “Për këtë arsye duam që puna jonë të përqendrohet vetëm tek pajisjet që përdor shumica”, shkruhet në faqen zyrtare të Whatsapp. Më tej shënohet se: Brenda vitit 2016 do të mbyllim suportin e Whatsapp Messenger në këto platforma të telefonisë celulare:
– BlackBerry (compreso BlackBerry 10)
– Nokia S40
– Nokia Symbian S60
– Android 2.1 e Android 2.2
– Windows Phone 7.1
