Aktorja e njohur, Olta Gixhari ka qenë pasditen e sotme në një lidhje direkte në emisionin e pasdites me Rudinën. Ajo ka treguar eksperiencën e saj të vetizolimit, duke zbuluar se vendosi të karantinohej në Valencia të Spanjës në datë 11 të këtij muaji, duke u zhvendosur pranë partnerit të saj. Olta ka pohuar se jeton në një lagje shumë të bukur pranë detit dhe se po i shijon këto kohë pasi ka nisur të gatuajë.
Më tej Gixhari është shprehur se nuk do i mungojë aktrimi, pasi është një gjendje e jashtëzakonshme. Olta e ka mbyllur bisedën me mesazhin se të gjithë duhet të qëndrojnë në shtëpi dhe të respektojnë rregullat, pasi nuk kanë asnjë zgjidhje tjetër./revistawho.com
