Venera Lumani dhe Lind Islami janë një nga çiftet më simpatikë të showbiz-it shqiptar. Ditën e sotme ata ishin të ftuar në emisionin radiofonik ‘You&Me’ ku folën për karrierën e tyre e midis të tjerash për marrëdhënien si çift. Gjatë emisionit të dyve u drejtua pyetja se si ka ndodhur puthja e parë midis tyre. “Po ta them kështu, me një fjalë do ngjajë sikur…iiii si te gjitha çiftet. Ndodhi kur ishim nga Liqeni Artificial, po ishte ora 7:30 e mëngjesit pas një nate të gjatë jashtë, kemi qenë në punë, puna mbaroi në 2…” ka treguar Lindi.
Më pas Venera ka rrëfyer historinë më të plotë. “Ishte ndër herët e para që unë po vija dhe po rrija në Tiranë, dhe ne në Shkup zakonisht bëjmë këtë gjë: takohemi me shoqërinë në park, pimë, hamë dhe pastaj ikim në club. Pas club-it kur na hahet prapë, blejmë për të ngrënë dhe shkojmë përsëri në park, dhe unë thosha: ku ka një park ku rrinë të rinjtë dhe faktikisht na erdhi vetëm liqeni në mendje. Pastaj i mora vesh këto historitë e liqenit” ka treguar këngëtarja. Puthja e parë midis tyre ka ardhur si diçka spontane, por hunda e Venerës i pengonte shumë deri sa e bëri operacion ka thënë këngëtarja, duke shkaktuar shumë të qeshura në emision.
Ndërkohë në datën 10 mars Lindi dhe Venera do të hedhin në treg këngën e tyre më të re, “Betohem”. /revistawho.com
