Venera Lumani përpara pak ditësh mori propozimin më të bukur për martesë që ngjante njësoj si skenari i një filmi. Shumë larg syve kureshtarë dhe në një vend ku kishin vetëm njëri-tjetrin, Venera i tha “PO” dashurisë së saj prej 5 vitesh. Normalisht propozimi i Lindit duhet të ketë qenë tejet romantik, duke qenë se ai njihet edhe për një karakter të tillë.
Megjithatë Venera ka zbuluar për herë të parë disa detaje nga ky moment që shënjon jetën e çiftit dhe planet e tyre për martesë. Ajo ishte e ftuar në emisionin radiofonik ‘Thuaje me Pepsi’ në ‘Top Albania Radio’ dhe me zërin duke ju dridhur ka thënë se ishte diçka e papritur për të. Këngëtarja ka treguar se nuk e dinte që Lindi atë ditë do t’i bënte propozimin dhe prandaj atë e cilëson si një moment ëndrrash.
Ndërsa për planet për martesë ajo ka thënë se momentalisht nuk do të bëjnë dasmë, për shkak të angazhimeve nëpër koncerte gjatë verës. Normalisht që në këtë rast nuk mund të anashaklohej mënyra se si Venera e ëndërron veten të veshur nuse. Duke qenë se ajo ka një stil mjaft të veçantë, këngëtarja ka thënë se nuk duhet përjashtuar mundësia që fustanin e bardhë të nusërisë ta veshë me atlete. /revistawho.com
