Shumë planete janë retrogradë këtë periudhë dhe disa prej tyre do jenë deri në fund të vitit. Kjo është edhe arsyeja pse shumë prej shenjave po përballen me ndryshime në jetën e tyre. Venusi do vazhdojë retrogradën e tij deri në 4 shtator prandaj deri në këtë datë nuk duhet të bëni ndryshime drastike në pamjen tuaj. Venusi është dhe planeti i dashurisë e kjo është arsyeja pse kemi dëgjuar shumë ndarje këtë periudhë. Ndarjet kanë qenë pasojë e atyre lidhjeve jo të forta e me probleme kurse për ata që janë në një lidhje të konsoliduar Venusi retrogradë e ka përforcuar më shumë marrëdhënien në çift. Nga 23 gushti do kemi edhe Mërkurin retrogradë dhe ju i dini pasojat kur ky planet zmbrapset. Gjatë kësaj periudhe duhen rishikuar me kujdes dokumentat, kontratat, mesazhet e çdo gjë tjetër pasi Mërkuri është planeti i komunikimit dhe pikërisht komunikimi stopohet duke patur shumë keqkuptime. Retrograda e Mërkurit do të zgjasë deri në 16 shtator. Nga 28 gushti do kemi edhe Uranin retrogradë. Urani Retrogradë përfaqëson një periudhë transformuese. Do t’ju kërkohet të çliroheni nga rutinat, të përqafoni ndryshimin dhe të revoltoni kundër asaj që nuk funksionon. Urani retrogradë do zgjasë deri në 27 janar 2024.
Edhe Jupiteri shkon retrogradë nga 5shtatori deri në 31 dhjetor. Jupiteri është planeti i zgjerimit dhe retrograda e tij ju inkurajon të thelloni vlerën e vetvetes.
