Dj Blunt dhe Real 1 si gjithnjë godasin me materialet e tyre muzikore. Dyshja e suksesshme kosovare, kanë publikuar pak orë më parë këngën “Vera” e cila është tejet provokuese. Në të shfaqen një çift vajzash, të cilat nuk e fshehin dashurinë për njëra-tjetrën dhe e jetojnë lumturisht atë. ‘Dashuria nuk duhet të jetë paragjykuese”, ky është edhe mesazhi që kanë dashur të përçojnë këngëtarët. Në një prononcim për Who, Dj Blunt thotë se kënga është xhiruar në Ulqin, ndërsa pjesa e vajzave simpatike në Budva. Blunt thotë se ata janë të kënaqur me impaktin që ka patur kënga deri tani në publik, e cila ka marrë më shumë se 10 mijë klikime për pak orë.
“Vera” vjen menjherë pas këngës “Presion” që djemtë publikuan në fillim të muajit shkurt. Si gjithnjë ata tërheqin vëmendjen e publikut me projektet e tyre, që janë të thjeshta, të veçanta dhe të asimilueshme nga publiku shqiptar. E njëjta gjë ndodhi edhe me hitin “Xhinset” i cili u kthye në refrenin e verë 2015-të.
Kujtojmë që albumi i tyre “Blunt for President” i prezantuar tre vjet më parë ishte një tjetër sukses i Dj Blunt dhe Real 1.
