Këtë vit duket se vera erdhi më shpejt, të paktën në radhët e personazheve të njohur. Që në fillim të janarit vajzat e njohura nuk ngurruan të nxirrnin në pah format e tyre trupore gjatë pushimeve në vendet tropikale. Të gjithëve na ka rënë në sy se të gjitha vajzat janë kujdesur në maksimum për trupin e tyre, por përveç kësaj nëpërmjet tyre jemi njohur edhe me trendet e rrobave të plazhit për këtë sezon. Siç është vënë re nga të famshmet shqiptare dhe jo vetëm, duket se këtë vit do të mbizotërojnë bikinit njëngjyrëshe dhe me modele shumë të thjeshta.
Vite më parë dizajnet me lule apo forma gjeometrike ishin shumë të preferuara, por siç duket tashmë po shkohet më shumë drejt thjeshtësisë së tyre.
Mund të mjaftojë vetëm një detaj i vogël për t’i bërë më të veçanta rrobat e banjës, por këtë vit duhet t’i zgjidhni patjetër me vetëm një ngjyrë. Vera pak nga pak po na troket në derë dhe prandaj nuk është keq që të merrni disa ide tek vajzat e njohura për bikinin që do të zgjidhni. /revistawho.com
