Vesa Luma dhe Big Basta nuk kanë nguruar asnjëherë që të shprehin dashurinë që kanë për njëri-tjetrin në publik. Që prej ardhjes në jetë të djalit të tyre Lian, normalisht që dhe dashuria është shtuar akoma dhe më shumë. Vogëlushi është një bekim në jetën e tyre dhe që u fal vetëm lumturi.
Ditën e sotme Vesa feston 32-vjetorin e lindjes dhe nuk mund të mungonte një urim special nga Big Basta. Madje mund të themi se ato çfarë ai ka shkruar për të, janë fjalët që çdo grua do të dëshironte të dëgjonte prej bashkëshortit të saj. “Të uroj çdo të mirë të kësaj bote dhe gëzuar ditëlindjen e shtrenjta ime, shoqja ime më e mirë dhe gjysma ime! Të dua me shpirt dhe jam shumë krenar me ty çdo ditë e më shumë kur të shikoj çfarë nëne dhe çfarë gruaje je! Happy birthday jeta lalit! Edhe 1000 vite të tjera! Faleminderit dhe për djalin që ma ke bërë fiks siç e donim ne! Nga unë dhe Lian gëzuar!”, – ka shkruar Big Basta bashkangjitur disa fotografive të Vesës. Pas këtij urimi kaq të veçantë nuk mund të mungonte një urim i ëmbël nga Lian, për mami Vesën. Këngëtarja ka publikuar në ‘InstaStory’ një video ku i vogli shihet duke i kënduar mamit këngën e ditëlindjes. /revistawho.com
