E ftuara e mbrëmjes së sotme e ‘Në kurthin e Piter Pan’ në ‘Tv Klan’, ishte këngëtarja e njohur shqiptare, Vesa Luma. Gjatë intervistës, ajo zbuloi disa detaje në lidhje me jetesën e saj në Zelandën e Re, martesën me Big Bastën, për projektet në të ardhmen, si dhe në lidhje me eksperiencat e saj në konkurset televizive. Vesa u vendos nga gazetarët e vegjël në mes të një zgjedhjeje: konkurente në ‘Ethet e së premtes’ apo juri në ‘X Factor’. “Unë kam qenë pjesë e ‘Ethet e së premtes’, pastaj kur shkova në ‘X Factor’, për mua ishte shumë e vështirë. Alketa dhe Vera e di, unë kam qarë dhe e kam pasur shumë të vështirë kur vinte momenti i skualifikimeve, por që gjithësecili ka ndjekur rrugën e tij. E kam pasur më të lehtë kur isha pjesëmarrëse se nuk e vrisja mendjen, ndërsa si juri kisha një punë më të rëndë. Ka qenë një spektakël i mrekullueshëm, por nuk e di nëse do isha kthyer”, është shprehur Vesa. Me publikimin e këngës së re dhe projektet e reja që ajo paralajmëroi, duket se Vesa ka vendosur të rikthehet fuqishëm në muzikë./revistawho.com
https://www.instagram.com/p/BvuQ_fqpY-8/?utm_source=ig_share_sheet&igshid=uj64p2bf4ofx
