Reperi i njohur Big Basta, ose Geri siç e thërret me përkëdheli bashkëshortja e tij, po fiton zemrat e publikut me sjelljen e tij të qetë dhe të qytetëruar në reality show-n “Ferma VIP”. Por pak e dinë që pas këtij vendimi qëndron një shtysë e fortë nga Vesa Luma, e cila ka ndarë publikisht arsyen personale pse e ka inkurajuar atë të bëhet pjesë e formatit.
“Gjatë gjithë jetës time kam shfrytëzuar platformat e mia për të luftuar fenomene që kanë shfaqur një anë jo shumë pozitive në shoqërinë tonë,” shkruan Vesa, duke shtuar se ndjeshmëria e saj u shtua akoma më shumë pas lindjes së djalit. Pikërisht nga dëshira për t’i dhënë djalit të tyre një shembull të vërtetë, ajo e ka shtyrë Big Bastën të marrë pjesë në këtë format, me synimin për të treguar një tjetër lloj modeli publik: të matur, të edukuar dhe me vlera.
“Nuk e dija që ajo që do më dhimbte më shumë, është të shoh kolegë e artistë që japin shembuj të këqij tek rinia. Aty më mbyllet goja…” – rrëfen ajo. Por në vend të heshtjes, ka zgjedhur veprimin.
“Një nga arsyet pse @bigbastazone është bërë pjesë e ‘Ferma VIP’ është të japë një shembull ndryshe, të japë një fije shprese që ka dhe artistë të civilizuar, me edukatë e me kulturë. Artistë që s’kanë nevojë t’i kenë frikë pse ngrejnë zërin, por japin shembull përmes qetësisë dhe inteligjencës.”
Ajo e quan Gerin “i vetmi repist social dhe njeriu më i drejtë e më këmbë në tokë që kam njohur”, dhe shprehet krenare që më në fund publiku po e njeh vërtet për atë që ai është. “Jam jashtë mase e lumtur e krenare, që më në fund po e njihni Gerin, po e mbështetni aq fort.”
Megjithë vështirësitë e ditëve të fundit, ajo thekson se mesazhi që Geri po përcjell në mënyrë të heshtur është i fortë:
“I duruari, i fituari.”
Në fund, Vesa e mbyll mesazhin me një pyetje për ndjekësit:
“Tani më thoni… t’i shkoj t’ia bëj një surprizë për ditëlindjen time të hënën? Nga unë e di vetë ç’t’i them, por nga ju… çfarë t’i them?”
