Këngëtarja e njohur, Vesa Luma, ka qenë në një lidhje ‘live’ në emisionin “Rudina” pasditen e djeshme. Ajo ka folur për zhvendosjen në Zelandën e Re, arsyen që i çoi drejti këtij vendimi dhe pse zgjodhën atë vend.
“Ne ishin në një udhëtim në Australi një vit para se të zhvendoseshim në Zelandën e Re dhe jemi mrekulluar. Një i afërmi im pati mundësi dhe e ftoi Gerin për të parë vendin nëse i pëlqen apo jo. Kur ka lindur Liani, aty filluam të shihnim të mirat dhe të këqijat e vendit dhe si çdo prind, meqë e kemi pasur mundësinë, kemi vendosur që të paktën për Lianin të bëjmë një sakrificë e cila nuk është e vogël sepse kemi lënë gjithçka pas. Por na pëlqeu shumë si vend dhe jemi të lumtur që jemi këtu. Kemi kaluar nëpër shumë sfida dhe të gjithë ata që jetojnë jashtë e kuptojnë këtë pjesë dhe doja t’i thoja të gjithëve që jo gjithçka që shihet mund të jetë shumë e bukur. Ka momente që edhe ne nuk jemi të sigurt dhe shpesh ndodh diçka dhe themi nuk po mundemi, të kthehemi, por pastaj shohim Lianin, ai e adhuron këtë vend”, rrëfeu Vesa.
