Mëngjesin e sotëm këngëtarja e dashur për publikun, Vesa Luma ishte e ftuar në emisionin “Trokit”. Në një intervistë me Ermal Peçin ajo ndau me publikun disa sekrete që nuk i kishte treguar më parë. Mes tyre edhe një histori që i ka ndodhur pasi u zhvendos për në Zelandën e Re. Ajo tregoi se pak ditë pas shkoi të jetonte atje, vogëlushi Lian pati një aksident, i cili ka ndikuar negativisht në fillimet e para në atë vend.
“Ka qenë dita e parë e Vitit të Ri dhe Liani ra në xhama dhe çau dorën. Pas kësaj na u desh të shkonim në spital. Pas 6 orësh ai u fut në operacion dhe ato pyetje përgjigjet si u bë, pse u bë ishin shumë stresuese. Unë dhe Geri ishim shumë në panik dhe në ato momente po mendoja, përse erdha unë këtu? Në fund të botës”,- tregoi Vesa.
https://www.instagram.com/p/Bt6Mv_yAD-h/
Kjo histori ka ndodhur rreth 15 ditë pasi Vesa dhe Lian u bashkuan me Big Bastën në Zelandën e Re. Për dy prindër të rinj sigurisht që kjo është një eksperiencë aspak e thjeshtë, sidomos kur duhet të përballesh në një vend të huaj.
Prej disa muajsh Vesa është zhvendosur sërish në Kosovë së bashku me vogëlushin e saj. Ajo i është rikthyer ekranit dhe së shpejti pritet të publikojë projekte të reja muzikore./revistawho.com
