Prej disa muajsh Vesa Luma dhe Big Basta janë shpërngulur në Zelandën e Re së bashku me djalin e tyre, Lian. Ata po e shijojnë shumë qëndrimin pranë njëri-tjetrit si një familje e plotësuar. Vesa nuk ngurron që herë pas here të ndajë me ndjekësit e saj në ‘Instagram’ disa nga çastet më të ëmbla familjare, sidomos kur është i përfshirë edhe Lian.
Ditën e sotme këngëtarja ka ndarë me të gjithë mendimet që i rrahin si çekan në kokë për djalin, duke qenë se është një nënë shumë e kujdesshme. Ajo ka publikuar një video ku shfaqet Lian duke luajtur me ujë në një shatërvan. “Mendimet e mia ndërkohë: po ftohesh, po fryn erë, nuk kam këpucë të tjera, nuk kam peshqir, nuk ka lidhje le të kënaqet, sonte temperaturë, duhet të blej paracetamol. Më interesantja është të shikosh fytyrën time pas kamerës. Pse nuk mundem thjesht të kënaqem duke e parë…pse…pse…është 25 gradë ndërkohë”, – ka shkruar Vesa, duke treguar kështu një nga shqetësimet e saj më të mëdha. /revistawho.com
