Një kapitull i ri dhe plot emocion ka nisur për Vesa Vllasaliun dhe Mirlind Dakun. Futbollisti i Kombëtares shqiptare dhe influencerja e njohur janë bërë prindër për herë të parë, duke mirëpritur në jetë një vajzë.
Lajmin e bukur e ka bërë publik vetë Mirlind Daku përmes një postimi në Facebook, ku ka shprehur mirënjohjen dhe emocionin e tij: “Elhamdulilah, falënderimi i takon vetëm Krijuesit për këtë ndjenjë. Miresa ime, uroj të kesh shëndet dhe shumë fat në jetë!”
Postimi është shoqëruar me reagime të shumta pozitive dhe urime nga fansat, miqtë dhe figura publike, ndërsa ardhja në jetë e vajzës së tyre shënon një moment të veçantë familjar për një nga çiftet më të ndjekura të viteve të fundit.
