Emri i Diana Qerimit bëri xhiron e rrjetit dy javë më parë. Emri i stilistet shqiptare u pa në disa prej mediave botërore dhe nëse do pyesni për arsyen, ka të bëjë me Jennifer Lopez-in. Kjo e fundit u pa në darkën e Met Gala-së me një fustan të zi elegant dhe po, është pikërisht i Dianës. E ftuar në podkastin e Mira Kazhanit, stilistja rrëfeu historinë e saj dhe të fustanit që e çoi te Jennifer Lopez. Sa kushtoi fustani? Vetëm 680 euro.
“Çmimi është 680 euro. Këtë çmim e kemi vendosur paraprakisht. Nuk është se e kemi vendosur tani për të ekzagjeruar se e ka veshur Jlo. Nuk kanë aq shumë vlerë çmimet se sa ka të shitet ai fustan. Ta veshin njerëzit, të kënaqen me fustanin e Jlo. Ajo më kënaq më shumë”, tha Diana.
