Veshur me të zeza, Soni Malaj rikthehet në skenë pas humbjes së babait

Për Sonin muaji i festave nuk ishte i gëzueshëm sivjet. Përkundrazi, këtë dhjetor këngëtarja e sukseshme Soni Malaj kaloi momentin më të vështirë të jetës. Ajo humbi babain e saj. I ati i artistes kishte prej ditësh probleme në zemër, aryse kjo që bëri që Soni të përlotej në skenën e spektaklit “Në 1 javë” në Top Channel ku është konkurrente. Pak ditë më pas, ajo ndau me miq, të afërm dhe fansa lajmin e keq se i ati ndërroi jetë. Mirëpo siç thuhet në kësi rastesh, jeta vazhdon. Ndoshta Soni e di që babai i saj nuk do të donte ta shihte në shtëpi të trishtuar, duke lënë pas punën e saj. Ajo di që po ashtu fansat duan ta shohin teksa vazhdon garën që ka nisur. Të shumtë ishin kuriozët që pyesnin nëse do të kthehet Soni apo jo. Përgjigjen ajo na e dha sonte, gjatë transmetimit. Për të gjitha këto arsye këngëtarja u rikthye sërish në spektaklin e Top Channel, veshur me të zeza por si gjithmonë shumë e bukur.