Romanca e Leonardi DiCaprios dhe Gigi Hadid duket se ka marrë fund.
Aktori është parë një natë me një partnere të re e cila në fakt i përket grupmoshës së preferuar të DiCaprios, atë nën 25 vjeçe.
Bëhet fjalë për Victoria Lamas, vajzën e aktorit të njohur Lorenzo Lamas.
Ata u panë të relaksuar duke buzëqeshur dhe kishte intimitet të mjaftueshëm mes tyre, pas këtyre pamjeve DiCaprio dhe Lamas konsiderohen si çifti i ri i Hollivudit.
Aktori 48-vjeçar kishte veshur një bluzë të zezë me xhinse, një xhaketë të zezë dhe kapele bejsbolli.
Modelja ajo u shfaq me një bluzë të zezë, pantallona të gjera dhe një xhaketë të zezë.
Sipas burimeve për Daily Mail, një person i afërt i DiCaprios pretendon se ai nuk është në një marrëdhënie me 23-vjeçaren. Por fotot e tyre të përbashkëta lënë pak vend për dyshime.
Thashethemet për lidhjen e Leonardo DiCaprio me supermodelen Gigi Hadid filluan të qarkullojnë në shtator, megjithatë nuk pati asnjëherë konfirmim nga dyshja.
