Këngëtarja Valza Zhegrova po martohet. Mbrëmë ajo ka mbajtur festën e beqarisë, ose siç e quajnë në Kosovë kanagjegj. Valza, e cila më 10 gusht mbush 19 vjeç do të martohet me avokatin Nazmi Vërtopi. Çifti janë bashkë prej disa kohësh. Vitin e kaluar Valza u tërhoq nga karriera muzikore që e nisi duke bërë cover këngësh e më pas duke publikuar këngë të sajat dhe u fejua fiks në ditën kur mbushi 18 vjeç.
Suksesi i saj në muzikë bëri që t’i vihet re mungesa kur Valza u zhvendos në Belgjikë për studime dhe u shkëput tërësisht nga syri i publikut. Megjithatë mbrëmë ajo ka postuar foto e video të shumta nga kanagjegji duke marrë dhe urime nga familjarët e miqtë për martesën.
