Bota britanike e showbiz-it është tronditur pas lajmit të ndarjes nga jeta të modeles 21-vjeçare, Mairead O’Neil. Ajo është gjetur e vdekur natën e kaluar. Flitet se që pas vdekjes së nënës së saj 10 muaj më parë, gjendja e modeles ishte mjaft e rënduar. “Nuk e dimë tamam se çfarë ka ndodhur, por ajo po kalonte një periudhë shumë të vështirë pas vdekjes së të ëmës, që nuk i mbijetoi dot kancerit. Kishte shumë mbështetje, por zemrën e kishte copë. Është kaq e trishtë të mendosh se edhe ajo u largua nga kjo jetë për t’iu bashkuar së ëmës”, u shpreh për mediat shefja e agjencisë së modelingut, Cathy Martin, e cila kishte punuar me modelen për 6 vjet.
