Vetëm 7 raste të reja, shkon në 789 numri i të prekurve nga Koronavirus në vendin tonë

Ministria e Shëndetësisë përmes Eugena Tominit ka bërë të ditur rastet e reja me COVID-19 për 24 orët e fundit. Sipas saj në 24 orët e fundit janë testuar 171 persona, mes të cilëve vetëm shtatë kanë rezultuar pozitiv. Në total numri i të infektuarve ka shkuar në 789. 7 raste të reja janë në 3 qytete: 5 në Tiranë, 1 në Kukës, 1 në Krujë.
Sakaq raportohet se në spitalin infektiv 1 dhe 2 janë të shtruar gjithsej 31 pacientë, mes të cilëve shtatë në terapi intensive. Sipas Tominit pjesa më e madhe e pacientëve aktivë po ndiqen nga mjekët e familjes. Ndërkohë në total janë shëruar 519 pacientë, ndërsa 239 janë aktiv.