Ndarjet nuk janë aspak të bukura, por Kleoniki dhe partneri i saj, Javier i kanë ndarë rrugët e tyre në një mënyrë kaq të qytetëruar. Pa sherre, pa debate, pa hatërmbetje, pa lënie fajesh! Lajmin e ndarjes e ka bërë të ditur Kleoniki me një postim në Instagram duke mbledhur në një video disa nga momentet e tyre më të bukura e duke u shprehur me plot vlerësim për djalin me të cilin kaloi një nga historitë më të bukura të dashurisë.
“Shumë prej jush na kanë parë si Çifti i Ëndrrave. Por gjërat nuk janë gjithmonë siç duken. Ne kemi qenë një çift i mrekullueshëm, por kemi përjetuar edhe shumë vështirësi. Të dy kemi vendosur që është më mirë për ne të ndajmë rrugët tona dhe e kemi bërë këtë me kaq shumë dashuri dhe respekt për njëri-tjetrin. Dje, shkuam në plazh, vendosëm në sfond këngët tona të preferuara, pamë njëri-tjetrin thellë në sy dhe në shpirt dhe vendosëm që misioni ynë në jetët e njëri-tjetrit ka përfunduar. U futëm në oqean, siç kemi bërë ditën e parë kur u takuam. Gjithashtu hodhëm disa trëndafila në oqean në shenjë mirënjohje për veten tonë, kurajon tonë, dashurinë tonë, familjet tona, paraardhësit tanë, Zotin, Nënën Tokë dhe ishullin e bukur të Mykonos. Ishte mbyllja më e bukur që mund të imagjinoja. Jemi thellësisht mirënjohës për çfarë kemi kaluar. Zemrat tona janë plot me dashuri. Ti ke qenë partneri më i mirë që kam pasur. Do të të dua përgjithmonë Javier Vidal!”
View this post on Instagram
