Zaimina Vasjari ishte e ftuar së fundmi në “Goca dhe Gra”, duke iu rikthyer intervistave pas një kohe të gjatë. Ajo foli më gjatë për mëmësinë dhe kujdesin ndaj dy fëmijëve të saj, teksa tha se pjesa më e vështirë për të është kur të gjithë vëmendjen ia japin djalit 3 muajsh.
“Më e vogël më duket vajza se është bërë xheloze për djalin sesa djali. Ai është në atë botën e vetë si kukull e vogël. Ndërsa goca është sa për katër. Ndihem dhe unë keq me thënë të drejtën, se tani që bëra djalin të gjithë më thonë “hë u bëre mam djali?”, me një entuziazëm shumë të madh ndaj meje që jam bërë me djalë, dhe sikur më ikën vëmendja e vajzës. Ndihesha shumë keq që të gjithë më pyesnin për djalin dhe unë u them ”pikë të dobët kam vajzën”, që t’i rikujtoj që kam edhe një vajzë”, u shpreh Zaimina.
