Një emigrant shqiptar ka kryer një akt vetëvrasje ditën e sotme në Aeroportin e Rinasit, teksa ka hipur në një lartësi të konsiderueshme dhe është hedhur që andej. Policia thotë se viktima është Juglend Kapllanaj, 23 vjeç. Veprimi i tij ka ngjallur edhe panik mes udhëtarëve. Burime nga “Panorama” thonë se shqiptari është 23-vjeçar dhe banonte në Mynih të Gjermanisë. Ai sapo kishte mbërritur nga Gjermania me avion dhe ka kryer aktin e vetëvrasjes. Shqiptari. Policia thotë se ka dyshime të forta se ai vuante nga depresioni dhe kjo mund ta ketë shtyrë në aktin ekstrem. Një dëshmitar në vendngjarje tha se Kapllani, para se të hidhej nga kati i dytë i terminalit thirri: “Jam Spiderman”, personazh i filmave për fëmijë.
NJOFTIMI I POLICISE
Sot më datë 01.09.2016, forcat e policisë të Kom.Pol.Rinas janë njoftuar se një person i paidentifikuar ka hypur mbi tarracën e zyrave të kompanive ajrore, dhe prej aty është hedhur duke pësuar dëmtime të rënda dhe si pasojë më pas ka vdekur në spitalin ushtarak. Nga veprimet e para hetimore ka rezultuiar se personi quhet Juglend Kapllanaj, 23 vjeç, lindur dhe banues Tirane. Ky shtetas ka ardhur në 15.30 me linjën ajrore Adria Airëays nga Mynihu. Pasi ka kaluar kontrolloin kufitar në hyrje të Republikës së Shqipërisë, ai është drejtuar tek informacioni i administratës së TIA-s, ku nga deklarimet e para rezulton se ai është shprehur se është Spiderman (protagonist i filmave fantashkencë). Pas kësaj ky shtetas është konstatuar mbi taracën e zyrave të kompanive ajrore, prej nga ku më pas është hedhur nga një lartësi prej 7-8 m. Forcat e policisë janë afruar menjëhjerë me marrjen e njoftimit për këtë shtetass por ai nuk ka komunikuar me asnjë por menjëherë është hedhur. Nga ana jonë është bërë transportimi i menjëhershëm i trupit të personit të dëmtuar për ti dhënë ndihmën e parë, por megjithatë ky shtetas nuk ka arritur ti mbijetoj plagëve të marra, ku ka ndërruar jetë në spitalin ushtarak. Vazhdon puna hetimore për zbardhjen e rrethanave të plota të ngjarjes.
