Victoria Beckham: David, partneri më i mirë që ekziston

Në muajt e fundit u përfol për një krizë midis David Beckham dhe gruas së tij Victoria, por për ata që janë martuar prej vitit 1999 gjërat nuk mund të shkojnë më mirë se kaq, saqë tani as nuk e marrin mundimin të përgënjeshtrojnë thashethemet. Deklaratat e dashurisë reciproke ama nuk mungojnë kurrë. Më e fundit është bërë prej stilistes, e cila në një rrëfim për modën në revistën ‘online’ Hashtag Legend, nuk i ka refuzuar as pyetjet më intime. “David është partneri më i mirë që mund të kesh. Ai vjen të shohë sfilatat e mia, është ortaku im në biznes, çdo gjë e bëjmë bashkë dhe e mbështesim në gjithçka njëri-tjetrin. Nuk di të them se çfarë më goditi nga ai, por e dashurova që në çastin e parë. Dhe sot është akoma kështu”, ka rrëfyer Victoria, shkruan “Vanity Fair”.