Victoria Beckham në shumë evente shoqërohet nga bashkëshorti i saj, David, por mesa duket tani e ka gjetur zgjidhjen kur ai nuk mund të jetë i pranishëm. Së fundmi Victoria ka marrë pjesë në sfilatën e ‘Dior’ dhe aty është shfaqur në praninë e djalit të saj më të madh Brooklyn. Tashmë Brooklyn është një djalë i rritur dhe mund të jetë shoqëruesi më i mirë i nënës së tij. Victoria dhe Brooklyn ishin të ulur në rreshtin e parë, pranë Naomi Campbell, Kate Moss, Lenny Kravitz.
Stilistja e famshme dhe djali i saj dukeshin thjesht rrëzëllitës në prani të njëri-tjetrit. Victoria si gjithmonë dukej shumë klas dhe ‘chic’ me veshjen e saj, por edhe Brooklyn pavarësisht se i veshur thjeshtë dukej mjaft bukur.
Kujtojmë se pak kohë më parë u përfol se Victoria ishte ndarë nga David Beckham, por ajo i mohoi të gjithë zërat. “Kam suportin e bashkëshortit perfekt. Ne me të vërtetë jemi të barabartë në çdo gjë që bëjmë. Kur unë jam larg ai është i vetmi që kujdeset për fëmijët të shkojnë në shkollë dhe që gatuan për ta”, – ka thënë ajo. /revistawho.com
