Ikona e modës britanike Victoria Beckham, talentin dhe shijen e saj të hollë po e shikon të trashëguar edhe tek e bija Harper. Mirëpo geni i të ëmës nuk ka arritur të triumfojë, pasi njëherësh 4-vjeçarja Harper çmendet për futbollin. Kështu tregon Victoria në rrëfimin e saj të fundit për ‘New York Times”. “Harper është jashtëzakonisht shik . Dhe disa prej gjërave që vesh janë kaq të ëmbla. Ajo i zgjedh vetë rrobat që dëshiron të veshë, i ka idetë shumë të qarta. Bluzën e saj të futbollit e do më shumë se çdo gjë tjetër. Ajo çmendet për futbollin. Dhe për mua kjo është si një thikë mu në zemër. Sado që mund të duket vajzërore, në fund të ditës ajo mbetet një ‘djalë mistrec’”, ka thënë Victoria.
