Për më shumë se dy dekada, Victoria Beckham vazhdon të jetë në qendër të mediave dhe që prej asaj kohe duket se vitet nuk kanë kaluar për të. Në fakt Victoria kujdeset shumë për veten e saj dhe i kushton një rëndësi të veçantë regjimit të bukurisë. Një pjesë të këtij regjimi Victoria ka vendosur ta ndajë edhe me fansat e saj në rrjete sociale. Në një video të publikuar në ‘Instagram’ ajo shihet duke u kujdesur për fytyrën tek një nga estetistet më të njohura nga VIP-at, Sarah Champman. Pas masazhimit të fytyrës ajo ka treguar se trajtohet me metodën e terapisë me dritë të kuqe, që rigjallëron dhe shëron lëkurën.
Por këto trajtime janë pak të kushtueshme, sepse vetëm një seancë me dritën e kuqe kushton mbi 70 paund në Londër. Epo jo më kot Victoria vazhdon të mahnisë me pamjen e saj të gjithë fansat në mbarë botën. /revistawho.com
