Nuk mund të mos e postoj këtë video. Këtu shohim se si një artiste tek ne ka shumë dimensione, por fatkeqësisht duhet të dalë jashtë kufijve që ne të themi se jemi krenarë. Unë jam krenare për ty Manjola Nallbani pa pritur që ti të largoheshe nga ne, të bëje bujë në skenat e Teatrove dhe Operave Botërore e pastaj ta postoja këtë video. Për mua s’ka nevojë të të njohë bota që të them se Zoti të ka bekuar me talent të tillë”. Këto janë fjalët e një artisteje të madhe shqiptare e cila shpreh të gjithë vlerësimin e saj për një kolege gjithaq të madhe në artin shqiptar, pa asnjë notë xhelozie e vetëm me shumë admirim. Aurela Gaçe këto fjalë ia dedikon Manjola Nallbanit. Ky është një status shumë i gjetur në një kohë kur përgjithësisht shumë njerëz në Shqipëri shprehin adhurim dhe mbështetje pasi djem dhe vajza të talentuar të vendit tonë bëhen famozë jashtë. Kujtojmë këtu për shembull rastin e Ermal Metës, këngëtarit nga Fieri që shkëlqeu në Sanremo./ revistawho.com
https://www.facebook.com/Aurela.Gace.Official/videos/10154905146774034/
