Dikur Aurela Gaçe në ëndrrat e saj, e shihte veten duke kënduar në skenë. Aq e qartë ishte ëndrra sa artistja e vogël që do të bëhej e madhe, asokohe kishte gati edhe listen e këngëve që do te donte të këndonte. Të gjitha nga repertori i një prej zërave më të mirë të Shqipërisë, të cilën sot ajo e ka kolege dhe mike. Flasim për Irma Libohovën. Aurela mendon se Irma është e pazëvendësueshme. Me këto e të tjera fjalë, ajo i ka bërë Irmës një super dedikim që shoqëron videon e një super performance të të dyjave në skenë. “Një nga kujtimet më të bukura për mua. Të jem në të njëjtën skenë me atë që artiste që më frymëzonte kur unë akoma isha 13 vjeç. Atje ku unë jetoja, ëndërroja të këndoja në skenë gjithë këngët e saj dhe në çdo koncert shkollë e aktivitet, merrja vetëm këngët e saj… Madje edhe flokët kapelon i bëra si ajo… E kuptoni vetë tani se çfarë emocioni është për mua të jem me të në skenë e të këndoj së bashku me të. IRMA LIBOHOVA #mbretëreshë. E pazëvendësueshmja e skenës”, shkruan Aurela.
https://www.facebook.com/Aurela.Gace.Official/videos/10154343540374034/
