VIDEO/ Aurela Hoxha flet për fotot me Di Caprion, modelja: S’pagova 20 mijë euro për AMFAR

Në një intervistë për emision “Elite Zonë” në Kosovë, bukuroshja Aurela Hoxha është pyetur për shumëçka, sidomos për gjëra personale. Veç shkakut që e çoi në shkurorëzim, ajo nuk ka hezituar në asnjë përgjigje tjetër. Aurela ka folur dhe për Leo Di Caprion dhe darkën e shtrenjtë të AMFAR. “Mbrëmja AMFAR nuk është me bileta, por me donacione. Darka në AMFAR është minimalisht 20 mijë euro, të cilën sigurisht që nuk e kam paguar. Tashmë unë kam bashkëpunime me njerëz të ndryshëm duke qenë prezente në sfilata të mëdha mode, në evente të ndryshme. Duke pasur kontakte të mira, tashmë unë mund të jem prezente edhe në evenimente të tilla ku realisht ftesa janë për figura të mëdha që u sjellin edhe benefite. Normalisht nuk ka të bëjë me Shqipërinë. Megjithatë kontaktet e mia kanë bërë që unë të jem prezente në këtë mbrëmje. Absolutisht nuk kam paguar 20 mijë euro. Rreth fotove me Di Caprion asgjë s’ka për të thënë. Leonardo ishte në mbrëmjen ku isha edhe unë. Fotografi janë bërë me artistë të ndryshëm”, ka thënë Aurela.