Tashmë të gjithë janë të dijeni të gjestit fisnik të Devis Xherahut, i cili pasi gjeti një portofol plot me para, vendosi ta kërkojë publikisht pronaren e tij për t’i dorëzuar sendin e humbur.
“Unë isha duke shkuar për në Top Show dhe pashë një portofol me lekë e karta krediti, karta identiteti afër zonës së liqenit. E çova lajmërimin në një portal të njohur shqiptar dhe pas 4 orësh kur dola nga programi, pashë që kisha marrë shumë mesazhe, madje edhe nga vetë pronarja e portofolit. U takuam bashkë dhe ajo më falenderoi pafund”, – ka thënë në “Lart e Poshtë” Devis Xherahu.
I pyetur nga gazetari Eraldo Rexho nëse u tundua ndopak nga portofoli, Xherahu tha se ai nuk ishte një objekt që i përkiste atij. “Unë e mendova si për vete, në rast se mua do të më ndodhte kjo gjë. Atë që desha të më bënin të tjerët mua, vendosa t’ua bëja unë të tjerëve. Harami nuk bëhet hallall. Jam rritur me djersën time dhe me atë që bëj më mirë, më mjafton ajo”, – ka thënë Devis Xherahu i cili ka lançuar së fundmi edhe bashkëpunimin e tij me Vaskë Currin, “Ma ka fajin zemra”. / revistawho.com
https://www.youtube.com/watch?v=8I-9QNxa47A
