Fjolla Morina ka hapur derën e dhomës së hotelit ku po qëndron në Tiranë dhe ka gjetur të shkruar emrin e saj. Jo në dysheme, as në mur, por me kolona të tëra trëndafilash. Qindra trëndafila të bardhë e të kuq janë dhurata që ka marrë sot këngëtarja kosovare. Më shumë gjasë kjo është një formë për t’i treguar mbështetje Fjollës pasi sonte është finalja e spektaklit “Dance With Me” ku ajo merr pjesë. Nuk e dimë se kush çmendet kaq shumë pas saj sa t’i mbushë dhomën me lule por një dyshim e kemi. Pak ditë më parë Fjolla tregoi për mediat se po jeton një histori të re dashurie. Madje këngëtarja u shpreh se i dashuri bëhet xheloz për performancat e saj seksi në skenë. Por ajo nuk pranoi të japë asnjë detaj shtesë lidhur me mashkullin romantik që ka përkrah.
VIDEO/ Dikush “çmendet” për Fjolla Morinën, i dhuron një dhomë me trëndafila
