Këngëtari i One Direction ka bërë një sherr të madh në aeroport. Louis Tomlinson u arrestua në aeroportin e Los Angeles pasi sulmoi një fotograf dhe rrëzoi në tokë një fanse femër. Ai ka goditur fotografin pasi ai po e filmonte në momentin që këngëtari është grindur me të dashurën e tij. 25-vjeçari u acarua keq pasi fotografi paparac po bënte foto të tij me të dashurën Eleanor Calder. Ndërsa teksa Louis po merrej me fotografin, e dashura e tij, Eleanor u përfshi në një grindje me një fanse e cila ishte duke filmuar me celularin e saj. Ndërkohë që këngëtari po shkonte tek e dashura ai bërtiti: “Çfarë po ndodh? A mund të na ndihmojë dikush?”. Policia e aeroportit ndërhyri më pas, duke larguar çiftin e famshëm nga fansat. Më vonë Louis u arrestua por u lirua, megjithëse do t’i duhet të paraqitej në gjykatën e Los Angeles më 29 mars. Në dokumenta thuhet se duhej të paguante 20 mijë dollarë për lirimin e tij, por ai nuk pagoi asgjë. Shumë fansa ishin kundër arrestimit të tij, pasi nuk ndërhynë në kohë autoritetet e aeroportit./Panorama
