Dua Lipa ka fituar famën e merituar me këngët e saj të cilat kanë rezultuar një sukses i padiskutueshëm. Ndërsa tani ajo po i shtohet grupit të këngëtareve që po japin kontributin e tyre edhe për modën. Siç bëhet e ditur nga vet Dua, së shpejti do të ketë një bashkëpunim me linjën ‘Nyden’ për të realizuar një linjë veshjesh. Ajo shpreh dëshirën që kjo linjë të bëhet universale, madje tregon se do ketë masa për të gjithë.
Por kjo nuk duket se është plotësisht e vërtetë, pasi këto veshje janë vetëm në masën 16 në Britani. Disa fansa nuk kanë rezistuar dhe i kanë lënë komente negative. “Ke më pak se një vit që je bërë shumë e famshme. Kaq shpejt u largove nga realiteti”,-shkruan njëra prej tyre./revistawho.com
