Ky është momenti i frikshëm kur një fëmijë i shpallur shenjtor dhe që ka vdekur 300 vite më parë por mbahet në një arkivol xhami në Katedralen e Guadalajara në Meksikë, hap sytë ndërsa një vizitor ishte duke filmuar. Teksa vizitori ishte duke filmuar trupin e saj në një sekuencë ajo hap sytë në gjysmë. Videoja është hedhur në Youtube dhe deri më tani ka më shumë se 1 milion shikime. Të shumtë janë edhe zërat që thonë se ajo është një kukull dhe jo një trup i vërtetë, por historia tregon të kundërtën. Sipas gojëdhënave, vajza e vogël ishte vrarë nga babai i saj pasi ajo dëshironte që të kungonte me shokët e klasës sepse besonte shumë në Krisht dhe ishte larguar pa lejen e tij ndërkohë që ai ia kishte ndaluar këtë gjë, e më pas murgeshat e morën trupin duke e shpallur fëmijën si ‘Shenjtoren e Pafajësisë’. Ajo ruhet prej 300 vitesh dhe tani ka formën e një statuje pasi përmes solucioneve të caktuara ka mundur të ruaj formën dhe të mos shpërbëhet, dhe janë të shumtë turistët që zgjedhin ta vizitojnë dhe të shuajnë kuriozitetin.
