Marina Fara është një personazh i njohur për publikun, jo vetëm për famën e së ëmës, por sidomos edhe për profilin që ka krijuar nga rrjetet sociale dhe setet e fotove provokuese. Lajmet për jetën e saj private, ditët e fundit kanë pushtuar mediat. Fejesa dhe pak kohë më pas edhe ndarja janë përfolur shumë nëpër portale, edhe pse as ajo dhe as e ëma nuk kanë folur publikisht duke dashur që ta ruajnë për vete pjesën private.
Megjithatë, Eli ka një merak kur është fjala që Marina të zgjedhë njeriun e jetës. E ftuar mbrëme e në “Top Show Magazine” për të promovuar klipin e ri “Mbolla një bahçe”, Eli rrëfeu edhe dashurinë që ka për origjinën e saj, Korçën, madje kjo është aq e theksuar sa ajo ia ka lënë porosi edhe Marinës, shkruan “Class”. E pyetur nëse i thotë ndonjëherë së bijës “atë djalin ma zgjidh nga Korça se merremi vesh më mirë”, Eli përgjigjet: “Ia them unë… korçar se s’bën” – por aty për aty “pendohet” dhe thotë “edhe të tjerë, por më shumë jam, këtej nga jugu jam…”
Dhe pse duhet të zgjedhësh një korçar, Eli thotë se për këtë nuk ta mbush dot mendjen: “Duhesh të vish atje dhe t’i shohësh vetë, se kështu nuk ta mbush dot mendjen.
