VIDEO/ Ermal Mamaqi: I vogël shisja paketa që të laja borxhet e familjes, kur shkuam t’i kërkonim dorën Ami u shtang

I ftuar sonte tek “Zonë e Lirë” Ermal Mamaqi ka treguar detaje të jetës së tij që nga fëmijëria e deri tek martesa. Ai tha se prindërit i konsideron heronj, duke rrëfyer edhe një moment vështirësie kur i pushuan të ëmën nga puna, shkruan “Opinion.al”. Mamaqi tregon se doli të shiste në rrugë në moshën 12 vjeçare për të larë borxhet e familjes, pasi të ëmën e pushuan nga puna. “I kam thënë mamasë që ti nuk do punosh kurrë pastruese. Unë do lë shkollën e do të shkoj të shes”. Kështu në moshën 12-vjeçare Ermali ka shitur paketa cigare pasditeve, por ndërkohë ai vazhdonte edhe shkollën. Ai rrëfen se kishte disa gjëra në kuti dhe rrinte gjithë ditën që ti shiste në anë të rrugës. “Fillova në shisja në rrugë gjera të vogla, ndërsa më pas nisa të shisja edhe kafe. Kisha marrë një vendim për të larë të gjitha borxhet e familjes”, shprehet Mamaqi. Më tej drejtuesi i “Xing” njëherësh aktor e këngëtar, ka ndarë me publikun një tjetër moment të jetës së tij personale me Amin. Ai ka treguar çastin pikant ku bashkë me prindërit e tij kanë shkuar në shtëpinë e Amit për t’i kërkuar dorën. “Merr shampanjën për ta hap Ami dhe, kur ja këput ky Drini (babai i Ermalit), e i thotë, “Amarda mos e hap atë shampanjë”. Ngelën të gjithë, thamë u prish fejesa, vjehrri me vjehrrën thanë po ky ç’pati tani, dhe Ami shtangu me shampanjën në dorë. Hë i thamë ne ç’ke, “unë nuk po shoh gotat këtu” na tha ai”, ka treguar kështu mes batutave Ermali.