Një i ri nga Peruja, Watson Franklin Mandujano Doroteo 24 vjeç, u shpall i vdekur kur ndërkohë ishte thjesht nën efektin e qetësuesve. Gjatë funeralit që kishin organizuar familjarët për t’i dhënë lamtumirën e fundit, disa prej të pranishmëve vunë re se i riu merrte frymë akoma dhe e nxorrën nga arkivoli.
Sipas dëshmive, djaloshi ishte i shtruar në spitalin e qytetit Aguaytia me temperaturë dhe ethe pasi kishte pasur komplikacione në një dhëmb, në një klinikë të zonës. Për të vënë nën kontroll konvulsionet, dy mjekë të spitalit i kishin injektuar 6 doza qetësues shumë të fortë duke e lënë pa ndjenja për 24 orë. Ditën më pas një prej mjekëve e deklaroi të vdekur të riun, i cili ishte ende nën efektin e qetësuesve. Ai u transferua në morg. Sipas gazetave vendase që citojnë motrën e 24-vjeçarit, mjeku nuk e kishte marrë fare në konsideratë kërkesën për rishikim të familjarëve pasi trupi ishte ende i ngrohtë. Sot ata ka bërë një denoncim dhe kërkojnë dëmshpërblim./ revistawho.com
https://www.facebook.com/UtvTingoMaria/videos/1736353616376971/
