Ka kaluar gati një vit nga ndarja e bujshme e Belen Rdoriguez nga bashkëshorti i saj Stefano De Martino me të cilin kanë një djalë. Ndoshta duhej të kalonte kjo kohë, që secili të reflektonte e të kuptonte se çka ndodhur me të vërtetë midis tyre. Dhe për herë të parë, me një diferencë prej disa ditësh, të dy protagonistët vendosën të flasin për këtë histori.
Vetëm se fati pësoi një kthesë të papritur. Belen tregoi në ekran se i ishte lutur e kishte bërë gjithçka për t’u kthyer me Stefanon që të mos shkatërronin familjen. Ajo e mbylli rrëfimin e saj duke thënë se tani dashuron një tjetër dhe se ish-burri mbetet i harruar. Mirëpo Stefano është penduar dhe ka kuptuar se ka humbur gruan që dashuron.
Pa hezitim, duke folur para mijëra italianëve që e ndiqnin, me sytë e përlotur dhe me një gotë verë në dorë, ai pranoi publikisht se është ende i dashuruar me bukuroshe argjentinase. “Nuk mund të them kurrë se nuk jam i dashuruar me Belen. Ne e zgjodhëm njëri-tjetrin. Nuk u martova me të thjesht për të qenë i martuar. Unë e zgjodha i bindur, si gruan e jetës sime dhe nënën e fëmijeve të mi. Ndonëse ka kaluar shumë kohë që kur jemi ndarë, dashuria nuk është diçka që mund të fiket e të ndizet me buton. Mund të dalësh me njerëz të tjerë, të përpiqesh të heqësh mendjen, por tjetrin e mendon gjithsesi. Unë jam shkëputur një periudhë sepse nuk doja që ta ndaja vuajtjen time në publik. Por nëse dikush më pyet nëse e dashuroj akoma Belen, nuk them dot jo. Do të isha hipokrit nëse do e mohoja. Më leverdis të them që nuk e dua se ajo tani ka nisur jetën me një tjetër person, po nuk e bëj dot. Kjo eshte e verteta!”, deklaroi ndër të tjera ish-burri i Rodriguez.
