Dje Ilir Meta u zgjodh Presidenti i ri i Republikës së Shqipërisë. Ndërsa ditën e sotme ai dha dorëheqjen nga posti si Kryetar i Lëvizjes Socialiste për Integrim. Sakaq bashkëshortja e tij Monika Kryemadhi, dje menjëherë pas votimit tha për mediat se do të vazhdojë të mbetet deputete e Kuvendit të Shqipërisë, ndërsa roli i Zonjës së Parë nuk ekziston në Kushtetutë. Ndërkohë mbrëmë vonë çifti i ri presidencial vendosën të festonin me të rinjtë e LSI-së. Ata ishin në ditëlindjen e sekretares organizative të LSI-së Eriona Bixha. Siç shihet nga video që Monika Kryemadhi ka ndarë në llogarinë e saj të Instagram, të pranishëm në festë ishin edhe Presidenti Ilir Meta si dhe Petrit Vasili. “Eh moj Eriona Bixha u bëre një çerek shekulli. Të uroj më të mirat e kësaj bote. Qofsh gjithmonë e lumtur!”, ka shkruar Monika në urimin e saj./ revistawho.com
https://www.instagram.com/p/BTdhgRmjxio/?taken-by=monika.kryemadhi&hl=en
