“Eh ç’na ka gjet ne të shkretët, ca duhet me bo. Hej Zot i modh ç’më ka gjet mu me këto”. Kështu i drejtohet gjatë provave, koreografi shqiptar Kledi Kadiu nxënësve të tij në talent show-n “Amici”. Sigurisht që situata është gazmore, siç shihet në videon e shpërndarë nga Olti Curri, teksa balerini profesionist flet shqip dhe qesh. Megjithëse nuk kuptojnë asgjë, edhe nxënësit e Kledit qeshin. Artisti prej vitesh vazhdon të punojë e performojë me sukses në vendin fqinjë. Po në Itali ai tashmë ka formuar edhe familjen me bashkëshorten bukuroshe Charlote, me të cilën ka një vajzë.
