Të gjithë kureshtarët dhe ata që nuk e mbajnë mend Albërien e shumë viteve më parë, nuk do ta kenë aspak të vështirë ta dallojnë dhe të kuptojnë se vitet tek ajo nuk kanë ndryshuar thuajse asgjë. Një video e shumë viteve më parë e ka bërë sot nostalgjike këngëtaren e njohur Albërie Hadërgjonaj. Kur Agnesa dhe Anxhelina ishin ende shumë të vogla, Albëria u mësonte të dyjave hitin e famshëm të Celine Dion, kolonë zanore e “Titanic”, “My Heart Will Go On”. Një kujtim që daton rreth 20 vjet më parë i është “dhuruar” sot Albëries nga Soni Malaj dhe këtë kujtim të bukur këngëtarja ka dashur ta ndajë me të gjithë miqtë virtualë: “Unë me vajzat e mia kur ishin të vogla. Sa emocion dhe nostalgji… Faleminderit Zot që ma mbushe jetën plot gëzim! Faleminderit mikes sime @soni_malaj që ma dërgove këtë video. Love you” – shkruan Albëria në profilin e saj. Nëse do të vëreni me kujdes edhe stilin e veshjes, as ai nuk përbën shumë ndryshim nga moda sot. Fustani i zi me shpatullat jashtë dhe një varëse elegante tregojnë që klasi nuk njeh kohë. Ndërsa vajzat, edhe pse me moshë të ndryshme, duken si të kenë qenë binjake të veshura të dyja me të njëjtin fustan, shkruan “Class”.
VIDEO/ Kur Albërie Hadërgjonaj dhe vajzat këndonin “My Heart Will Go On”, shikoni si ka qenë
