Elvis dhe Priscilla janë takuar më 13 shtator 1959, gjatë një parti në shtëpinë e Elvis në Bad Nauheim Gjermani, ndërsa ai kryente shërbimin ushtarak. Priscilla 14 vjeç, tërhoqi vëmendjen e yllit të muzikës në atë kohë, me pamjen e saj më të madhe se sa ishte. Pavarësisht pengesave, dhe një periudhe të gjatë larg njëri tjetrit, ata u martuan më 1 maj, 1967, në Hotel Aladdin në Las Vegas. Në ceremoninë e tyre martesore e cila u organizua nga menaxheri i kengëtarit, Colonel Tom Parker morën pjese njerëzit tyre më të afërt, megjithatë dasma shkaktoi përçarje mes Elvis dhe disa nga miqtë e tij më të ngushtë të cilët nuk u ftuan në këtë ceremoninë.
Red West, sidomos, ishte i zemëruar në lidhje me mospraninë e tij në dasmen e mikut me të afërt..
Por nuk ishte vetëm West, i cili shprehu hapur zemërimin e tij në lidhje më këtë, pasi edhe disa miq të tjerë të këngëtarit ishin gjithashtu të zhgënjyer, pasi ata gëzonin një miqësi disa vjeçare, por ata fajësuan kryesisht organizatorin e ceremonisë Parker për përjashtimin e tyre nga dita më e rëndësishme e mikut të tyre.
Pas ceremonisë dhe konferencës për shtyp, e cila zgjati shumë pak minuta , Elvis dhe Priscilla u nisën direkt për muajin në Palm Springs me avionin e tyre privat.
Ndërsa pas tre javëve që ata kaluan së bashku në Palm Spring , çifti u kthyen në fermën e tyre privatë në Misisipi. Por pavarësisht se të dy vinin nga dy botë të ndryshme , Elvisi, ylli më i kërkuar i botës së muzikës, ndërsa Priscilla një vajzë e thjeshtë e një ushtaraku amerikan, kjo e fundit mundohej në çdo rast t’i përshtatej partnerit të saj dhe jetën që ai bënte.
Jo shumë kohë pas martesës së tyre , Priscillia ngelet shtatzënë, dhe kjo e mërziti atë, sepse mendonte se kjo shtatzëni do të ndikonte në marrëdhënien me partnerin. Megjithatë, pavarësisht pasigurisë së saj, nëse e donte këtë fëmijë apo jo, Priscilla vendosi të mos e abortonte foshnjën. Dhe fiks 9 muaj pas martesës së tyre, me 1 shkurt 1968 ajo solli në jetë vajzën Lisa Marie. Ndërsa si duket dashuria e tyre nuk ishte e destinuar të jetonte gjatë, pasi Elvis dhe Priscilla divorcohen më 23 shkurt, 1972. Videoja më poshtë shfaq momentin kur dyshja e njohur kanë kurorëzuan lidhjen e tyre në martesë./syri.net
