Kur kanë kaluar disa orë pas mesnatës, në festën me njerëzit më të afërt, teksa sapo je bërë 30 vjeç e ke pirë disa gota… Pikërisht pas gjithë këtyre, reperi i suksesshëm Ledri Vula është hedhur në pishinë, nga një lartësi aspak e papërfillshme. “Dallëndyshe e dehur”, shkruan ai për veten, krahas kësaj videoje që ka shpërndarë. Të hënën Ledri Vula festuar ditëlindjen e tij të 30-te. Festa ishte një surprizë nga nëna e reperit, Xheraldina Vula, e cila kishte mbledhur një numër të madh të ftuarish në qytetin e Ulqinit. Në mesin e tyre ishin edhe Era Istrefi, Mc Kresha, Festimi, Kaos, Gjiko, Cha Cha Darabuka e shumë të tjerë. Sigurisht nuk mungoi e dashura e tij Adela Sollaku bashkë me mikeshën e ngushtë Lori Hoxha.
