Është kthyer në një hit, videoja ku konkurrentja e The Voice në SHBA interpreton këngën e anëtëres së jurisë Alicia Keys, If I ain’t got you. Sapo vajza me emrin Lauren Diaz nxjerr notat e para, në fytyrën e Keys shihet kënaqësia e cila rritet në çdo notë. Ajo shijon edhe pak këngën për të vendosur të shtyp butonin e para. Zëri i Keys është nga më të rrallët dhe këngët e saj janë një provë shumë e vështirë për çdo këngëtar. Lauren mesa duket ka zgjedhur të guxojë me sfidën më të vështirë. Të interpretojë këngën e një prej këngëtareve më të mira, një këngë shumë të vështirë, ndërsa këngëtarja qe vetë e pranishme duke e dëgjuar live. Do mjaftonte kthimi vetëm i saj për ta quajtur provën të kaluar, siç edhe përmendi anëtarja tjetër e re e jurisë së The Voice këtë vit, Miley Cyrus. Ajo u kthye e dyta, ashtu si dhe Blake Shelton. Vetëm Adam Levine nuk e shtypi butonin, edhe pse nuk i kurseu komplimentet për Lauren. Gara e këngëtarëve të kthyer për ta marrë në skuadër, është një spektakël më vete, por pika kulmore është çasti kur Alicia këndon këngën duke ia përshtatur Lauren për ta bindur atë të zgjidhte skuadrën e saj. Cyrus dorëzohet e para, duke pranuar që Lauren duhet të shkojë te skuadra e Alica Keys. Ndërsa Blake këmbëngul deri në fund. Ja kë zgjedh ajo.
https://www.facebook.com/NBCTheVoice/videos/1183597631677584/
