Skena është gjithmonë e paparashikueshme për artistët. Ata përpiqen të japin maksimumin për të elektrizuar fansat që janë i ndjekin pas kudo. Të shumta kanë qenë edhe incidentet, shpesh dhe të rrezikshme. Këtu nuk bën përjashtim as këngëtarja meksikane, Adriana Thalia Sodi Miranda, e cila konsiderohet si “Mbretëresha e pop-it latin”. Ndërsa performonte në një koncert në Miami ajo u hodh mbi turmën e spektatorëve. Në pamje të para gjithçka ishte ekzaltuese, por kur këngëtarja u ngjit sërish në skenë e pa se fustani i saj ishte hapur tërësisht nga pas, shkruan “Telegrafi”. Ajo u përpoq ta mbante të mbërthyer fustanin me duar, ndërsa shihet duke ftuar spektatorët për ta asistuar. Më në fund një burrë me bluzë të zezë shihet teksa përpiqet t’i mbërtheje fustanin, ndërsa këngëtarja vazhdonte të këndonte. Megjithatë përpjekja rezultoi e kotë. Yllit të popit iu desh të “maskohej” si të mundej për të mbaruar shfaqjen.
